Panoh

İmkanlı bir ata Gülnoza və Dilnoza adlı iki qızının təhlükəsizliyindən narahat olaraq onlar üçün mühafizəçilər tutur. Bu işə tamamilə fərqli keçmişə malik iki gənc cəlb edilir. Onlardan biri hərbi xidmətdən, xüsusən desant qoşunlarından yenicə qayıdıb, digəri isə bu yaxınlarda həbsdən azad olunub.

Ərköyün bacılar addımbaşı onları izləyən mühafizəçilərin gəlişini narazılıq və etirazla qarşılayırlar. Qızların şıltaqlıqlarına dözmək cavan oğlanlar üçün asan olmasa da, onlar vəzifələrini yerinə yetirməyə çalışırlar. Tədricən aralarındakı narazılıq aradan qalxır və gənclər arasında romantik hisslər yaranır.

«Panoh» filmi 2007-ci ildə Özbəkistanda rejissor Rustam Saqdiyev tərəfindən çəkilib. Döyüş, komediya və melodram janrlarını birləşdirən ekran əsərində baş rolları Farrux Saipov, Caxongir Poziljanov, Uluqbək Qədirov və Qulçöhrə Eşonqulova canlandırıb.