Qəzəb yumruğu — 1991

Cibində pulu olmayan gənc oğlan böyük ümidlərlə materik Çindən Honq Konqa üz tutur. Lakin şəhər onu heç də xoş qarşılamır və gəlmə gənc ilk günlərdəcə yerli cibgir ilə qarşılaşır. Çox keçmədən onun sağ əlində qeyri-adi bir zərbə gücünün olduğu üzə çıxır və bu bacarıq onu yerli kunq-fu məktəbinə aparır.

Məşq zalında o, müəlliminin qızına aşiq olur. Gəncin uğurları və istedadı ətrafdakı bədxahların qısqanclığına səbəb olur. Həmin paxıl rəqiblərin qurduğu tələlər ucbatından qəhrəman öz şərəfini qorumaq üçün döyüş sənətləri turnirində rinqə çıxmaq məcburiyyətində qalır.

«Fist of Fury 1991» adlı döyüş komediyasını rejissor Riko Çu çəkib. Baş rolları Stiven Çou, Kenni Bi, Kori Yuen və Vinsent Van ifa ediblər. Honq Konq istehsalı olan bu film 1991-ci ildə nümayiş olunub.