Mən qatiləm

On beş il əvvəl polis amansız seriyalı qatilin izinə düşə bilmədi və istintaq heç bir dəlil tapılmadan bağlandı. Cinayətlərin məsuliyyətə cəlbetmə müddəti bitənə qədər həmin şəxsdən heç bir xəbər çıxmadı. Lakin bu müddət başa çatan kimi Li Du-sok adlı biri ortaya çıxaraq törədilmiş qətlləri bütün təfərrüatları ilə qələmə aldığı xatirə kitabını nəşr etdirdi.

Kitab dərhal ən çox satılan əsərə çevrildi, müəllif isə medianın diqqət mərkəzində ulduz kimi parladı. Vaxtilə həmin qatilin hücumuna məruz qalaraq yaralanmış xəfiyyə Çhve Hyon-qu isə bu mənzərə ilə barışmaq fikrində deyil. O, cəzadan yayınmış cinayətkarı hər vəchlə məsuliyyətə cəlb etməyə çalışır.

2012-ci ildə çəkilmiş «Mən qatiləm» (Naega salinbeomida) detektiv trilleri Cənubi Koreya istehsalıdır. Filmin rejissoru Çon Byon-gildir. Əsas rolları Çon Cə-yon, Pak Şi-hu, Çon He-qyun və Kim Yon-e canlandırıblar.