Girov. Xilasın qiyməti

Elm adamları insan orqanizminin qocalmasını on ildən çox ləngidə bilən yeni dərman hazırlayır. Belə bir ixtiranı ələ keçirmək istəyən cinayətkar şəbəkə bütün nümunələri oğurlamaq üçün qatillər göndərir. Hədəflərinə çatmaq naminə silahlı qruplaşmalar partlayışlar törədir, insanları qətlə yetirir və girov götürür.

Oğurlanan şəxslər arasında zərdabın hazırlanmasında iştirak edən bir qadın mütəxəssis də var. Baş verənlərdən xüsusi xidmət orqanında çalışan qardaşı xəbər tutur. Doğma bacısının təhlükədə olduğunu öyrənən agent cinayətkarlara qarşı təkbaşına hərəkətə keçməyə qərar verir.

2025-ci il istehsalı olan bu Çin döyüş filminin rejissoru Jen Haysuandır. Əsas rollarda Tayqer Çen, He Cencün, Miya Mutsi və Van Tsintin çıxış edir.