Odla oynayan qız

Öz mənzillərində güllələnmiş jurnalist və sevgilisinin ölümü böyük rezonans doğurur. Həlak olanlar Şərqi Avropadan qadınların qanunsuz gətirilməsi və cinsi istismarı ilə bağlı araşdırma aparırdılar. Bu cinayətkar şəbəkənin müştəriləri arasında vəzifəli şəxslərin adlarının keçməsi qətlin arxasında kimlərin dayandığına dair şübhələr yaradır.

Həmkarlarının ölümünü araşdırmağa başlayan Mikael Blumkvist əsas şübhəlinin Lizbet Salander olduğunu öyrənir. Bütün ölkə üzrə onun axtarışı elan edilsə də, Lizbet nə hüquq-mühafizə orqanlarından, nə də mafiyadan çəkinir. O, cinayətkar qruplara və ona qarşı çıxan bütün qüvvələrə meydan oxumağa hazırdır.

«Flickan som lekte med elden» filmi 2009-cu ildə rejissor Daniel Alfredson tərəfindən ekranlaşdırılıb. İsveç və Almaniya istehsalı olan bu trillerdə baş rolları Noomi Rapas, Mikael Nyqvist, Lena Endre və Peter Andersson canlandırıblar.