Leo

Parthiban sakit bir qəsəbədə xanımı və iki övladı ilə birgə gün keçirir, kafe işlədir və vəhşi heyvanların xilası ilə məşğul olur. Bir axşam sifarişli qətldən sonra pul tapıb aradan çıxmaq istəyən silahlı quldurlar onun məkanına soxulurlar. Balaca qızının və özünün sağ qalmayacağını dərk edən ata cinayətkarlarla mübarizəyə girir, onların silahını ələ keçirərək təcavüzkarları məhv edir.

Hadisə tezliklə mətbuatda böyük rezonans doğurur və kafenin sahibinin şəkli qəzetlərin ilk səhifələrində çap olunur. Xəbər güclü cinayətkar şəbəkənin rəhbərinə qədər çatır. Dəstə başçısı qəzetdəki kişidə illər öncə həlak olduğu zənn edilən oğlu Leo Dası tanıyır.

2023-cü ildə Hindistanda istehsal olunmuş «Leo» triller filminin rejissoru Lokeş Kanaqaracdır. Baş rolları Vicay, Trişa Krişnan, Sancay Datt və Arcun canlandırıblar.