Knock Out

İş adamı Toni Xosla üçün adi bir telefon zəngi təhlükəli tələyə çevrilir. Küçədəki telefon köşkünə girən Tonini naməlum bir adam zorla oradan çıxarmağa çalışır. Çox keçmədən həmin şəxs başqa bir naməlum snayper tərəfindən güllələnərək öldürülür.

Gizli qatil dəstəyi qaldıran Toniyə zəng edərək onun həyatını xilas etdiyini bildirir. Naməlum şəxs tələb edir ki, Toni dəstəyi yerinə qoymasın, əks halda həm özü, həm də həyat yoldaşı öldürüləcək. Hadisə yerini polislər və media nümayəndələri əhatəyə alsa da, Toni telefon xəttində qalmağa məcbur olur.

2010-cu ildə çəkilmiş Hindistan istehsalı olan bu döyüş və triller filminin rejissoru Mani Şankardır. Ekran əsərində əsas rolları Sancay Datt, İrfan Xan, Kanqana Ranaut və Gülşan Qrover canlandırıb.