Partladıcılar

Polis bölməsində istehkamçı işləyən şəxs uşaqlı sevgilisi ilə ailə qurmağa hazırlaşır. Lakin gələcək həyat yoldaşı onun keçmişindən tamamilə xəbərsizdir. Qəhrəman gənclik illərində İrlandiyada partlayışlar törədən terrorçu dəstənin üzvü olub.

Vaxtilə yüzlərlə insanın ölə biləcəyi partlayışın qarşısını almağa çalışan qəhrəman, istəmədən sevgilisinin və yoldaşlarının ölümünə səbəb olmuşdu. Həmin qız ona partlayıcı düzəltməyi öyrədən müəlliminin övladı idi. Həbsxanadan qaçan keçmiş ustad satqınlıq hesab etdiyi bu əmələ görə intiqam almağa başlayır: o, istehkamçının polis həmkarlarını öldürür və onun yeni ailəsini məhv etməyi planlaşdırır.

Rejissor Stiven Hopkinsin çəkdiyi «Blown Away» filmi 1994-cü ildə ABŞ-da istehsal olunub. Döyüş və triller janrındakı ekran əsərində baş rolları Ceff Bricis, Tommi Li Cons, Syuzi Eymis və Lloyd Bricis canlandırıblar.