Arya

Kollecin ən nüfuzlu tələbəsi Acay hər kəsdən fərqlənən Gita adlı qıza göz qoyur. Hiyləgər üsullara əl atan oğlan Gitanı hamının qarşısında ona sevgisini etiraf etməyə məcbur edir. Bu hadisəni kənardan izləyən Arya isə qıza həqiqi hisslər bəsləyir və rəqibinin gözü önündə Gitaya aşiq olduğunu açıqca bildirir.

Beləliklə, zahiri münasibət quran Acay ilə səmimi duyğularla hərəkət edən Arya arasında söz və əməl savaşı başlayır. İki gəncin qarşıdurması zamanı tərəflərin bir-birinə qarşı olan əsl münasibəti üzə çıxır. Gita da daxil olmaqla hər üç qəhrəman öz daxili dünyası və seçimləri ilə üzləşir.

2004-cü ildə Hindistanda istehsal olunmuş «Arya» filmi dram, döyüş və melodram janrlarını birləşdirir. Ekran əsərinin rejissoru Sukumardır. Baş rolları Allu Arcun, Anuradha Mehta, Şiva Balaci və Racan P. Dev canlandırıblar.