Şərəfsiz əclaflar

1944-cü il, Fransa. Amerika ordusuna məxsus karvan cinayət törətmiş bir qrup hərbçini həbs düşərgəsinə aparır. Dəstənin içində fərari Berl, oğru Nik, qətldə ittiham olunan Toni və sıravi Kenfild, həmçinin əmrlərə tabe olmayan leytenant Rober Yeqer var. Alman təyyarəsinin qəfil hücumu nəticəsində konvoy darmadağın olur və yalnız bu beş dustaq sağ qalır.

Hadise İsveçrə sərhədinə yaxın baş verdiyi üçün qaçaqlar cəzadan və müharibədən qurtulmaq məqsədilə neytral torpaqlara getmək qərarına gəlirlər. Yolda onlar böyük bir səhvə yol verərək alman hərbi geyimində olan amerikalı kəşfiyyatçıları öldürürlər. Vəziyyəti düzəltmək üçün beşlik həmin qrupun tapşırığını öz üzərinə götürür və almanların gizli V2 raketini ələ keçirmək üçün təhlükəli əməliyyata başlayır.

1978-ci ildə İtaliyada çəkilmiş «Quel maledetto treno blindato» hərbi macəra filminin rejissoru Entso C. Kastellaridir. Baş rolları Bo Svenson, Piter Huten, Fred Uilyamson və Mişel Perqolani canlandırıblar.