Çində itləri yeyirlər

Sadə bank işçisi Arvid təsadüf nəticəsində bank soyğununun qarşısını alır və qısa müddətdə ölkə miqyasında qəhrəmana çevrilir. Lakin çox keçmir ki, o, etdiyi hərəkətə görə peşmanlıq çəkməyə başlayır. Məlum olur ki, həmin cinayətkar uşaq sahibi ola bilmək üçün vacib və bahalı əməliyyatın pulunu toplamaq istəyirmiş.

Vicdan əzabı çəkən Arvid bu insana lazım olan məbləği tapmaq qərarına gəlir. Məsələni həll etmək üçün o, qardaşı Haraldın yanına gedərək ondan kömək istəyir.

«I Kina spiser de hunde» kriminal komediya filmi Danimarkada lentə alınıb və 1999-cu ildə nümayiş olunub. Ekran əsərinin rejissoru Lasse Spanq Olsendir, əsas rolları isə Nikolay Li Kaas, Tomas Villum Yensen, Yesper Kristensen və Deyan Çukiç ifa edirlər.