Ölümə qədər

Narkotiklərlə mübarizə şöbəsinin leytenantı Entoni Stou həm iş yoldaşlarının, həm də boşanma ərəfəsində olduğu həyat yoldaşının nifrətini qazanıb. Heroin asılılığı onun nüfuzuna ağır zərbə vurub. Eyni zamanda onun keçmiş şəriki Qebriel Kallahan mütəşəkkil cinayət aləmində hakimiyyəti ələ keçirməyə çalışır və Entonini aradan qaldırmaq üçün qatillər göndərir.

Sui-qəsd zamanı ağır güllə yarası alan Stou uzun müddət komada qalır. Aylar sonra nəhayət huşu özünə qayıdan keçmiş polis həyata yenidən göz açır. Sağaldıqdan sonra onun qarşısında tək bir məqsəd dayanır: Kallahanı tapmaq və keçmiş tərəfdaşı ilə birdəfəlik haqq-hesab çəkmək.

«Until Death» («Ölümə qədər») cinayət və döyüş filminin quruluşçu rejissoru Saymon Fellouzdur. 2007-ci ildə ekranlara çıxan ortaq layihə ABŞ, Böyük Britaniya, Almaniya və Bolqarıstan tərəfindən istehsal olunub. Əsas obrazları Meqqi Eldred, Marta Kondova, Deyan Angelov və Alana Mariya canlandırıblar.