S.W.A.T.

Leytenant Den «Hondo» Harrelsonun rəhbərlik etdiyi xüsusi təyinatlı polis dəstəsi Los-Ancelesdə ən çətin tapşırıqları icra edir. Ən müasir silahlarla təchiz olunmuş komandaya narkobaron Aleks De Leonu müşayiət etmək tapşırılır. Lakin adi görünən konvoy əməliyyatı tezliklə təhlükəli qarşıdurmaya çevrilir.

Həbs edilən cinayətkar onu azad edəcək şəxsə yüz milyon dollar vəd edir. Bu böyük məbləği ələ keçirmək istəyən şəhərin silahlı cinayətkar qrupları hərəkətə keçir. Bundan əlavə, dəstənin daxili qaydalarını və taktikasını yaxşı bilən keçmiş həmkarları da xüsusi təyinatlılara qarşı cəbhə alır.

ABŞ istehsalı olan «S.W.A.T.» döyüş filmi 2003-cü ildə ekranlara çıxıb. Rejissor Klark Consonun çəkdiyi layihədə baş rolları Semyuel L. Cekson, Kolin Farrell, Mişel Rodriqes və ElEl Kul Cey canlandırıb.