Dağ II

Türkiyə xüsusi təyinatlı dəstəsi İraq ərazisində riskli bir tapşırıq icra etməyə yollanır. Əsgərlər ordunu tənqid etməsi ilə tanınan müxalif jurnalist qadını terrorçulardan xilas etməlidirlər. Əsir götürülən qadının edam görüntülərini canlı yayımda bütün dünyaya nümayiş etdirmək planlaşdırılır.

Düşmən xəttinin dərinliklərinə daxil olan xüsusi təyinatlılar yalnız girovu azad etməklə kifayətlənmir. Onlar taleyin ümidinə buraxılmış bir türkman kəndini qorumaq üçün sayca qat-qat üstün olan qüvvələrə qarşı döyüşə girməli olurlar.

2016-cı ildə çəkilən «Dağ II» hərbi dram filminin rejissoru Alper Çağlardır. Türkiyə istehsalı olan bu ekran əsərində baş rolları Ubeyt İsa Özmen, Emir Benderlioğlu, Murat Serezli və Atılgan Gümüş canlandırıb.