Qurban

Yunanıstanda təşkil olunan xeyriyyə tədbiri ciddi bir konfransdan çox dəbdəbəli kübar ziyafətini xatırladır. Əvvəlki şöhrətini geri qaytarmaq istəyən tanınmış aktyor Mayk Tayler burada iqlim dəyişikliyi ilə bağlı təsirli nitq söyləməyi planlaşdırır. Eyni vaxtda milyarder Braken dənizin dibindən faydalı qazıntıların çıxarılması üzrə yeni layihəsini qonaqlara təqdim etməyə çalışır.

Lakin onların bütün planları Coanın rəhbərlik etdiyi radikal ekoloji qruplaşmanın qəfil hücumu ilə alt-üst olur. Fəallar inanırlar ki, sualtı nəhəng vulkanın püskürməsinin və qlobal fəlakətin qarşısını almaq üçün tədbirdəki üç məşhur şəxs qurban verilməlidir.

Rejissor Romen Qavrasın çəkdiyi «Sacrifice» filmi döyüş, macəra və komediya janrlarını özündə birləşdirir. 2025-ci ildə ABŞ, Böyük Britaniya, Fransa, İtaliya, Avstraliya, Yunanıstan və Kiprin birgə istehsalı ilə ərsəyə gələn ekran əsərində Vensan Kassel də rol alıb.