Sher Shivraj

Sher Shivraj tarixi döyüş filmi XVII əsrdə maratx hökmdarı Şivaci ilə Bicapur sultanlığı arasında baş vermiş qarşıdurmadan bəhs edir. Şivacinin getdikcə güclənməsindən narahat olan sultanlıq onu zərərsizləşdirmək qərarına gəlir. Bu məqsədlə qəddar sərkərdə Əfzəl xanın rəhbərliyi ilə böyük bir ordu yürüşə göndərilir.

Sayca qat-qat üstün olan işğalçı qüvvələrlə qarşılaşan Şivaci və onun silahdaşları fərqli bir yol seçirlər. Hökmdar açıq döyüş əvəzinə düşməni çaşdırmaq üçün dəqiq hərbi taktika və psixoloji gedişlərdən ibarət plan hazırlayır.

2022-ci ildə Hindistanda çəkilmiş dramatik ekran əsərinin rejissoru Diqpal Lancikardır. Baş rolları Çinmay Mandlekar, Alka Kubal, Anvay Bendre və Mrinal Kulkarni canlandırıblar.