Sürü

Dörd polis əməkdaşı həlak olmuş həmkarının qisasını almaq məqsədilə Parisin şimalındakı cinayətkar dəstənin gizləndiyi binaya daxil olur. Təhlükəli quldurların yuvasına gizlicə soxulma cəhdi uğursuzluqla nəticələnir. Hüquq-mühafizəçilər yaxalanır və qanqsterlər onları edam etməyə hazırlaşır.

Lakin gözlənilmədən binaya qaniçən və ətyeyən məxluqlardan ibarət dəstə hücum çəkir. Vəhşi varlıqlar fərq qoymadan hər kəsə qəddarcasına hücum etməyə başlayır. Yaşamaq üçün bir-birinə nifrət edən polislər və quldurlar düşmənçiliyi unudaraq birləşmək məcburiyyətində qalırlar.

Fransa istehsalı olan «La horde» qorxu və döyüş filmi 2009-cu ildə rejissorlar Yannik Daan və Benjamin Roşe tərəfindən çəkilib. Ekran əsərində əsas rolları Antuan Oppenhaym, Mari Vensan, Qotye Lamot və Yannik Daan ifa ediblər.