Day of the Dead

Kapitan Roudsun rəhbərlik etdiyi hərbi dəstə Kolorado ştatındakı kiçik Ledvill şəhərinə gedən bütün yolları kəsir və karantin elan edir. Postlardan birində xidmət edən və əslən bu şəhərdən olan kapral Sara Bouman sıravi Kreyn ilə birlikdə anasını yoxlamaq üçün xidmət yerini tərk edir.

Evə çatan Sara şəhərdə təhlükəli bir virusun sürətlə yayıldığını öyrənir. Bu ölümcül xəstəliyə yoluxan insanlar qısa müddətdə zombiyə çevrilirlər. «Day of the Dead» filmi qəfil başlayan epidemiyanın gedişatını nümayiş etdirir.

Qorxu, triller və döyüş janrlarını birləşdirən ABŞ istehsalı ekran əsərinin rejissoru Stiv Maynerdir. 2007-ci ildə çəkilmiş layihədə baş rolları Kent Cud Bernard, Lyuk Sekston, Miloş Miroslav və Robert Rais canlandırıblar.