Özgələr arasında doğma, doğmalar arasında özgə

Ötən əsrin iyirminci illərində Rusiyanın cənubundakı kiçik bir şəhərdə hadisələr cərəyan edir. Vətəndaş müharibəsi başa çatsa da, bolşeviklərin tam qələbəsinə hələ çox var. Keçmiş ağqvardiyaçı zabitlərdən ibarət quldur dəstəsi aclıq çəkən əhaliyə çörək almaq üçün nəzərdə tutulan qızıl dolu qatarı qarət edir. Onların qarşısını almaq üçün vaxtilə çiyin-çiyinə döyüşmüş beş qırmızı döyüşçü yoldaş ölüm-dirim savaşına atılır.

Qarət zamanı şübhələr bu dostlardan birinin üzərinə düşür. Yoldaşları tərəfindən xəyanətdə ittiham olunan qəhrəman qaçmaq məcburiyyətində qalır. O, adını təmizə çıxarmaq və günahsızlığını sübut etmək üçün nəyin bahasına olursa-olsun oğurlanmış qızılı tapıb geri qaytarmalıdır.

«Özgələr arasında doğma, doğmalar arasında özgə» filmi 1974-cü ildə SSRİ-də rejissor Nikita Mixalkov tərəfindən çəkilib. Döyüş və dram janrında olan bu ekran əsərində baş rolları Yuri Boqatıryov, Aleksandr Kaydanovski, Aleksandr Kalyagin və Sergey Şakurov canlandırıblar.