Əjdaha qılıncı

Cing əyalətinə basqın zamanı qüdrətli döyüşçü həyatını itirir, onun sağ qalan oğlu Quan Sin isə intiqam almağa söz verir. Ailəsinin əfsanəvi Yaşıl Əjdaha qılıncını ələ keçirən düşmənlə qarşılaşmaq üçün gənc döyüşçü illərlə ağır məşqlər edir və özünü böyük savaşa hazırlayır.

İki il keçdikdən sonra Quan Sin gənc generallardan ibarət dəstəyə rəhbər təyin olunur və strateji su anbarını ələ keçirmək tapşırığı alır. Lakin düşmən bu plandan xəbər tutur və müdafiəyə hazırlaşır. Su anbarında gənc döyüşçünü atasının qatili, güclü Pan Çjan gözləyir.

Çin istehsalı olan «Qing long yan yue dao» («Əjdaha qılıncı») tarixi hərbi döyüş filmi 2021-ci ildə təqdim edilib. Ekran əsərinin rejissorları Day İlin və Çen Sımin, əsas rolların ifaçıları isə Lu Şumin, Tszin Sun, Kenni Kvan və Lyu Veyçjoudur.