Mütləq hakimiyyət

Təcrübəli zinət əşyaları oğrusu Lüter Uitni artıq otuz ildir ki, cinayət aləmindən uzaq dururdu və polislə heç bir problemi yox idi. Hər bir xırdalığı dəqiqliklə hesablayan qoca oğru məşhur xeyriyyəçi Sallivanın zəngin malikanəsinə daxil olur. O, xeyli qiymətli zinət əşyası götürdüyü zaman otağa ev sahibinin arvadı Kristi ilə ölkə prezidenti Riçmond daxil olur.

Gizlənən Uitni onların arasında başlayan gizli görüşün zorakılığa çevrilməsinin şahidi olur. Qadın özünü müdafiə etmək üçün kağız bıçağı ilə dövlət başçısına xəsarət yetirir, bu zaman otağa soxulan cangüdənlər Kristini güllələyirlər. Hadisə yerindən qaçmağı bacaran Lüter təəssüf ki, öz kimliyini tam gizli saxlaya bilmir.

«Absolute Power» filmi 1996-cı ildə ABŞ-da istehsal olunub. Bu kriminal trillerin rejissoru Klint İstvuddur. Ekran əsərinin baş rollarında Skott Qlenn, Lora Linni, Robert Harvi və Elison İstvud çəkiliblər.