Vəhşi

Gizli rinqdə rəqibinin ölümünə səbəb olan keçmiş boksçu səkkiz il həbs cəzası çəkir. Azadlığa çıxdıqdan sonra o, qaranlıq keçmişini tamamilə geridə qoymaq niyyətindədir. Artıq onun tək arzusu sakit və qanunlara uyğun dürüst bir həyat qurmaqdır.

Lakin normal cəmiyyətə qayıtmaq gözlənildiyi qədər asan olmur. Keçmişdə baş verən hadisələrin izləri və əvvəlki mühit onu rahat buraxmır. «Deo waildeu: yasudeului jeonjaeng» («Vəhşi») filminin qəhrəmanı dürüst qalmaq və yenidən cinayət aləminə sürüklənməmək üçün çətin sınaqlarla üzləşir.

Cənubi Koreya istehsalı olan bu döyüş və kriminal filminin rejissoru Kim Bon-handır. 2023-cü il ekran işində baş rolları Von U, So Ci-hu, Li Con-uk və O De-hvan canlandırıblar.