Məxfi tapşırıq

Beynəlxalq sammitə yollanan xarici siyasətçi terrorçu qruplaşma tərəfindən girov götürülür. Əsir düşən rəsmi şəxsi azad etmək üçün Çinin xüsusi təyinatlı qadınlardan ibarət seçmə dəstəsi hərəkətə keçirilir. Hərbçilərə ölkə xaricində məxfi əməliyyat aparmaq tapşırılır və onların tədbir başlayana qədər cəmi bir neçə saat vaxtı var.

Döyüşçülər düşmən ərazisinə enərək sayca çox olan silahlı dəstə ilə üz-üzə gəlirlər. Qızlar qaçırılan şəxsin izinə düşməli və müqaviməti yarmalıdırlar. Üstəlik, terrorçuların sırasında qeyri-adi davranışları ilə seçilən, sirli və təhlükəli bir döyüşçü də yer alır.

2024-cü ildə təqdim olunan «Məxfi tapşırıq» (Jue mi ren wu) döyüş filminin rejissoru Billi Çundur. Ekran əsərində əsas rolları Temur Mamisaşvili, Selina Ceyd, Brahim Çab və Tszyan Lusya canlandırıblar.