Müharibə

Çeçen döyüşçülərinin komandiri Aslan Quqayev əsir saxladığı şəxslərin bir qismini sərbəst buraxmaq qərarına gəlir. Müddətli hərbi xidmətdə olan rus əsgərləri İvan Yermakov və sıravi Kuliklə yanaşı, ingilis Con Boyl da azad edilir. Lakin Conun qarşısına şərt qoyulur: o, girovluqda qalan nişanlısı Marqaretin canbahası üçün iki milyon funt-sterlinq tapmalıdır. Həmçinin rus zabiti Medvedev də düşərgədə saxlanılır.

Verilən iki ay ərzində Con tələb olunan məbləği toplaya və öz dövlətindən kömək ala bilmir. Ümidini itirən ingilis Rusiyaya yollanır və Tobolsk şəhərində yaşayan keçmiş əsgər İvanı tapır. Onlar Marqareti və kapitan Medvedevi əsirlikdən qurtarmaq məqsədilə birlikdə yenidən Çeçenistana getməyi qərara alırlar.

2002-ci ildə çəkilmiş «Müharibə» hərbi dram filminin rejissoru Aleksey Balabanovdur. Əsas rolları Aleksey Çadov, İen Kelli, İnqeborqa Dapkunayte və kiçik Sergey Bodrov canlandırıblar.