Ölü balıq

Çilingər Eyb ən mürəkkəb qıfılları asanlıqla açmağı bacarsa da, qumarda və şəxsi münasibətlərdə heç cür uğur qazana bilmir. Qəzəbli kreditorlar daima ona zəng edərək pullarını tələb edir, hamilə qalan sevgilisi isə onu tərk edir. Çıxılmaz vəziyyətə düşən Eyb təsadüfən öz mobil telefonunu Linç adlı peşəkar muzdlu qatilin telefonu ilə səhv salıb dəyişir.

Sifarişləri məhz bu telefon vasitəsilə qəbul edən qatilin zəngləri Eybi qəribə bir qərar verməyə sövq edir. O, təklif olunan yüksək məbləği qazanmaq istəyir, lakin eyni zamanda heç kimi qətlə yetirməməyin yolunu tapmalıdır. Digər tərəfdən, qatil Linç sifarişlərini əlindən alan bu gözlənilməz və naməlum rəqibin izinə düşməyə hazırlaşır.

«Ölü balıq» (Dead Fish) adlı komediya və triller filmi rejissor Çarli Stedler tərəfindən çəkilib. Böyük Britaniya və Almaniya istehsalı olan bu film 2004-cü ildə təqdim edilib. Əsas obrazları Deniel Cud Cennis, Anuşka Bolton Li, Elena Anaya və Verena Qato canlandırıblar.