Alov adası

Polis əməkdaşı Vonq Vey uzaq səfərdən qayıtdıqdan sonra yüksək rütbəli polis zabiti olan əmisinin müəmmalı şəkildə öldürüldüyünü öyrənir. Əldə edilən ipucları cinayəti açmaq əvəzinə vəziyyəti daha da qarışdırır. Həqiqi qatili üzə çıxarmaq istəyən Vonq məhbusların etimadını qazanmaq məqsədilə qəsdən dəmir barmaqlıqlar arxasına yollanır.

Lakin hadisələr gözlənilməz istiqamətdə inkişaf edir və qəhrəman nəzarətçilərdən birinin qətlində təqsirləndirilir. Məhkəmə onun barəsində ölüm hökmü çıxarır. Cəzanın icrasına az qalmış Vardor Tyen adlı şəxs ona yaxınlaşaraq insanlara nizam və ədalət gətirməyi hədəfləyən təşkilatına qoşulmağı təklif edir.

«Alov adası» («The Prisoner») adlı döyüş və kriminal dram filmi 1990-cı ildə Tayvanda çəkilib. Ekran işinin rejissoru Çu İnpin, baş rol ifaçıları isə Ceki Çan, Endi Lau, Sammo Hunq və Toni Lün Ka-Faydır.