Qundala

Atasının işçilərin hüquqları uğrunda mübarizədə həlak olması və anasının qazanc dalınca gedib geri dönməməsi Sançakanı uşaq yaşlarından kimsəsiz qoyur. Küçə həyatının sərt qaydaları onu təkbətək döyüşməyə və hər şeydən əvvəl öz canını qorumağa alışdırır.

Lakin şəhərdə zorakılıq dalğası getdikcə böyüyür və məzlum insanlar köməksiz qalır. Sançaka ədalətsizliyə biganə qala bilmir və zəiflərin tərəfini tutur. Üzərinə düşən ildırım zərbəsi nəticəsində fövqəltəbii güc qazanan qəhrəman xalqın düşmənləri ilə amansız mübarizəyə başlayır.

İndoneziya istehsalı olan «Qundala» elmi-fantastik döyüş filmi rejissor Coko Ənvər tərəfindən lentə alınıb. 2019-cu ildə təqdim edilən dramatik ekran əsərində Bront Palarae, İndra Brasko, Cenar Maesa Ayu və Ario Bayu kimi aktyorlar çəkilib.