Mən mələk deyiləm

Civa mehriban, ünsiyyətcil və həyatı öz bildiyi kimi yaşayan gənc bir oğlandır. Ətrafındakı hər kəslə asanlıqla dostlaşan bu gənc toyların birində Priyaya rast gəlir və ona vurulur. Tezliklə sevgililər birlikdə gələcək qurmağı xəyal edirlər.

Lakin qızın atası olan varlı vəkil bu münasibətə qarşı çıxır. Çünki Civannin heç bir işi yoxdur, ailəsi isə kasıbdır və atası sadəcə taksi sürücüsüdür. Cütlük çətinliklərdən qorxmasa da, baş verən qəfil və amansız hadisə hər şeyi alt-üst edir, qayğısız gəncin daxilindəki tamam başqa bir insanı üzə çıxarır.

«Naan Mahaan Alla» filmi 2010-cu ildə Hindistanda rejissor Susindran tərəfindən çəkilib. Baş rollarda Karti Şivakumar, Kacal Aqqarval, V. Cayaprakaş və Krişna Priya çıxış edirlər. Layihə dram və cinayət trilleri janrlarını birləşdirir.