Montajsız film

Qəddarlığı və tapşırıqları dəqiqliklə yerinə yetirməsi sayəsində Li cinayətkar qruplaşmanın rəhbərinin sağ əlinə çevrilib. Eyni vaxtda ekranlarda qanqster rolları ifa edən ulduz aktyor Çan Su-tha karyerasında çətin vəziyyətlə üzləşir. Çəkiliş meydançasında iki həmkarını xəstəxanalıq etdikdən sonra mətbuat onun üzərinə düşür və digər aktyorlar onunla bir layihədə yer almaqdan imtina edirlər.

Bir gün barda təsadüfən baş tutan görüş bu iki tam fərqli insanı bir araya gətirir. Söhbət əsnasında Li etiraf edir ki, çoxdandır Çanın yaradıcılığının pərəstişkarıdır və vaxtilə özü də kinoda çəkilmək arzusunda olub. Bu gözlənilməz tanışlıq film sahəsindəki işlərin gedişatına yeni istiqamət verir.

«Yeonghwaneun yeonghwada» («Montajsız film») adlı Cənubi Koreya istehsalı olan dramatik döyüş filmi 2008-ci ildə nümayiş olunub. Ekran əsərinin rejissoru Çan Hundur, əsas obrazları isə Yun Con-yol, Kan Ci-hvan, Çan Hi-cin və Qo Çxan-sok canlandırıb.