Beynəlxalq

İnterpol əməkdaşı Luis Selincer və Manhetten prokurorunun köməkçisi Eleonor Uitman qlobal miqyaslı bankın çirkli əməllərini üzə çıxarmağa çalışırlar. Berlində mühüm şahidlə görüşdən dərhal sonra Luisin həmkarı qəflətən vəfat edir, rəhbərlik və tibbi ekspertiza isə bunu sadəcə infarkt kimi qələmə verir.

Sistemə inamını itirən müstəntiq Lüksemburqda bankın direktoru ilə şəxsən görüşmək istəsə də, qarşısına yalnız hüquqşünas çıxır. Təhqiqatı gizlicə davam etdirən Luis və Eleonor silah alveri ilə məşğul olan siyasətçi Umberto Kalvini ilə danışmaq üçün Milana yollanırlar, lakin o da tezliklə öldürülür.

«The International» filmi rejissor Tom Tıkver tərəfindən lentə alınıb. 2009-cu ildə ABŞ, Böyük Britaniya, Almaniya, Fransa və Türkiyənin birgə istehsalı olan bu kriminalla dolu dramda Cek Makqi, Marko Qambino, Ulrix Tomsen və Darren Petti çəkiliblər.