Sürət: Avtobus 657

Kazino sahibi və mafiya başçısı Frenk Poupu qarət etməyin fəlakətlə nəticələnəcəyini hər kəs bilir. Lakin onun yanında işləyən krup ye kassadan milyonlarla dollar oğurlamaq qərarına gəlir. Əvvəlcədən ən xırda detallarına qədər qurulan plan reallıqda gözlənildiyi kimi getmir və işlər tamamilə qarışır.

Cinayət yerindən qaçmağa çalışan qarətçilər sərnişinlərlə dolu avtobusu ələ keçirirlər. İdarəetməni itirməməyə çalışan sürücü sürətlə Meksika sərhədinə tərəf irəliləyir, yanacaq isə tükənmək üzrədir. Bu zaman onların ardınca həm qanun keşikçiləri, həm də qisas axtaran mafiya dəstəsi düşür.

«Heist» («Sürət: Avtobus 657») filmi rejissor Skott Mann tərəfindən ekranlaşdırılıb. ABŞ, Böyük Britaniya və Ekvadorun birgə istehsalı olan bu döyüş və kriminal dram 2015-ci ildə nümayiş olunub. Layihədə əsas obrazları Lens E. Nikols, Keyt Bosvort, Aleksis Buzer Sterlinq və Coşua Mikel canlandırıb.