Replikant

Polis əməkdaşları tənha anaları və onların övladlarını qətlə yetirib yandıran, arxasında heç bir iz qoymayan cinayətkarı yaxalamaqda aciz qalır. Üç il davam edən uğursuz axtarışlardan sonra detektiv Ceyk Rayli təqaüdə çıxır. Lakin qatil onunla əlaqə saxlayaraq ailəsini və dostlarını məhv edəcəyi ilə hədələyir.

Çox keçmədən Ceykə gizli dövlət təşkilatından müraciət daxil olur. Alimlər cinayətkara məxsus bircə tükdən istifadə edərək onun genetik kopyasını, yəni replikantını yaradırlar. Orijinal qatillə telepatik əlaqəsi və genetik yaddaşı olan bu varlıq sayəsində Rayliyə qatili izləmək fürsəti verilir.

«Replikant» elmi-fantastik döyüş filmi rejissor Rinqo Lam tərəfindən lentə alınıb. 2001-ci ildə ABŞ-da istehsal olunmuş layihənin əsas rollarında Ceyms Hatson, Kris Kelli, Allan Qrey və İen Robison çəkiliblər.