Amerikasayağı qarət

Ceyms keçmişdəki səhvlərini unudaraq həyatını qaydaya salmağa çalışır. O, avtomobil təmirçisi işləyir, sevgilisi ilə vaxt keçirir və gələcəkdə öz biznesini qurmaq arzusundadır. Lakin on il həbsxanada yatmış böyük qardaşı Frenkinin azadlığa çıxması vəziyyəti dəyişir. Ceyms vaxtilə onu cinayətə cəlb etdiyi və on altı ay dəmir barmaqlıqlar arxasında qalmasına səbəb olduğu üçün qardaşını hələ də bağışlaya bilmir.

Təmiz səhifə açmaq isə o qədər də asan olmur: məhkumluq ucbatından ona banklar kredit vermir, normal iş tapmaq da çətinləşir. Qardaşının çıxılmaz vəziyyətdə olduğunu görən Frenki ona sonuncu dəfə kiçik bir iş görməyi təklif edir. Qardaşlar Yeni Orleandakı bankı soyaraq pul qazanmağı və itirilmiş günlərin əvəzini çıxmağı planlaşdırırlar. Lakin bu addım Amerika tarixinin ən qanlı və faciəvi basqınlarından birinə çevrilir.

«Amerikasayağı qarət» (American Heist) filmi 2014-cü ildə rejissor Sarik Andreasyan tərəfindən çəkilib. ABŞ və Rusiya birgə istehsalı olan bu dram və döyüş filmində Lens E. Nikols, Co Krest, Sintiya LeBlan və Con Makkonnell rol alıblar.