Böyük ana: Ata kimi oğul

FTB agenti Malkolm Törner növbəti dəfə təhlükəli bir əməliyyat üçün qadın cildinə girməli olur. Bu dəfə gözlənilmədən bir qətlin şahidinə çevrilən ögey oğlu Trent də ona qoşulur. Cinayətkarlar gəncin izinə düşdüyü üçün hər iki qəhrəman gizlənməyə və öz təhqiqatlarını aparmağa məcbur qalır.

Onlar gizli tapşırıqla qızlar üçün nəzərdə tutulmuş incəsənət məktəbinə daxil olurlar. Malkolm yenidən məşhur qoca qadın obrazını canlandırır, Trent isə Şarman adlı cüssəli tələbə qıza çevrilir. Cütlük qatil onların izinə düşməmişdən əvvəl cinayətkarı tapıb ifşa etməyə çalışır.

2011-ci ildə ABŞ-da istehsal edilmiş «Big Mommas: Like Father, Like Son» filminin rejissoru Con Uaytselldir. Komediya janrlı layihədə Toni Körran, Jasmin Burk, Brendon Qill və Şenika Çarmeyn kimi aktyorlar çəkiliblər.