7 Dogs

İnterpol əməkdaşı Xalid əl-Əzzazi uzun müddətdir axtarışda olan cinayətkar Qali Əbu Davudu həbs edir. Lakin çox keçmədən hüquq-mühafizəçi «7 Dogs» adlı beynəlxalq narkokartelin fəaliyyəti ilə üzləşir. Təhlükəli cinayət şəbəkəsi yeni növ güclü narkotik vasitənin yayılması üzərində işləyir.

Sindikata daxildən zərbə vurmaq istəyən Xalid keçmiş məhbusu ilə əməkdaşlıq etməyə məcbur qalır. Əməliyyatda kömək müqabilində cinayətkara cəzasının yüngülləşdirilməsi vəd olunur. Beləliklə, bir-birinə zidd iki tərəf şəbəkənin içinə sızmaq üçün ortaq plan qurur.

Səudiyyə Ərəbistanı və Misir istehsalı olan «7 Dogs» filminin rejissor kürsüsündə Adil Əl Arbi və Bilal Falla əyləşib. Baş rolları Nasser Algassabi, Najath Bin Abdurahiman, Sayed Ragab və Sancay Datt canlandırır.