Mars mutasiyası

Yerin resursları tükəndiyi üçün beynəlxalq tədqiqatçılar qrupu Marsı insanların yaşaması üçün uyğun vəziyyətə gətirməyə çalışır. Alimlər qırmızı planetə flora və fauna nümunələri apararaq qabaqcıl texnologiyalar vasitəsilə mühiti dəyişmək istəyirlər. Lakin təcrübə zamanı genetik bankdakı növlər idarəolunmaz şəkildə mutasiyaya uğrayır, intellekt qazanır və mütəxəssislərə hücum etməyə başlayır.

Bazada çalışan heyətin həyatı təhlükə altına düşdükdə Çin xilasetmə məqsədilə xüsusi astronavtlar qrupu göndərir. Ekipaj həm qaniçən varlıqlarla mübarizə aparmalı, həm də Marsa yaxınlaşan asteroid toqquşması ərəfəsində insanları təxliyə etmək üçün zamana qarşı yarışmalıdır.

«Mars mutasiyası» (Huo xing yi bian) adlı elmi-fantastik döyüş filminin rejissoru Lyu Nadır. Ekran əsəri 2021-ci ildə Çində istehsal olunub. Əsas rolları Şi Lyan, Jen Çjun, Nataniel Boyd və Du Huntszyun canlandırıb.