Gecəyarısı azadlıq

Polis əməkdaşına hücum edən Ceykob və həyat yoldaşı Betti qanundan gizlənməyə çalışsalar da, onların bu cəhdi uğursuzluqla nəticələnir. Hər iki şəxs həbs edilir. Qadın psixiatriya xəstəxanasına salınır, Ceykob isə istintaq təcridxanasına göndərilir və onu beş ilədək həbs cəzası gözləyir.

Məhkəmə qərarını gözləyən kişi ilk gündəcə digər məhbusların qaçış cəhdinin qarşısını almaqda mühafizəçilərə kömək edir. Bu addım onu kameradakı digər cinayətkarların hədəfinə çevirir. Təhlükə altında olduğunu anlayan Ceykob təcridxanadan qaçmaq qərarına gəlir.

Hindistan istehsalı olan «Gecəyarısı azadlıq» (Swathanthryam Ardharathriyil) adlı cinayət trillerinin rejissoru Tinu Pappaçandır. 2018-ci ilin döyüş filmində əsas rolları Vinayakan, Lico Cose Pellisseri, Dineş və Raceş Şarma canlandırıblar.