Svalaçlar

1943-cü ildə polkovnik Vişnevetski dövlət tərəfindən verilən məxfi tapşırığı icra etməyə başlayır. Onun məqsədi almanların seçmə «Edelveys» birləşmələrinə qarşı təxribat törədəcək xüsusi ölüm dəstəsi formalaşdırmaqdır. Bu təhlükəli missiya üçün heç kimin axtarmayacağı, 14-15 yaşlı kimsəsiz yeniyetmələr seçilir.

Uşaqları xüsusi hazırlıq keçmələri üçün dağlarda yerləşən gizli düşərgəyə göndərirlər. Onların qarşısına düşmənin hərbi bazasını məhv etmək hədəfi qoyulur. Ən məxfi məlumatlara sahib olduqları üçün həmin gənclərin əməliyyatdan sağ qayıtması nəzərdə tutulmur.

2006-cı ildə ekranlara çıxan Rusiyanın «Сволочи» hərbi dram filminin rejissoru Aleksandr Atanesyandır. Əsas rolları Yuri Sısoyev, Denis Karasyov, Aleksey Oblakov və Sergey Rıçenkov canlandırıblar.