Time Trap

Xilasedicilər axtarışları dayandırsa da, bir qrup tələbə itkin düşmüş müəllimlərini tapmaq fikrindən dönmür. Gənclər professorun axtarışına çıxaraq Texas mağaralarına yollanırlar. Onlar əmindirlər ki, müəllimlərinin qeybə çəkilməsi onun əbədi gənclik çeşməsi ilə bağlı irəli sürdüyü nəzəriyyələrlə birbaşa əlaqəlidir.

Yeraltı keçidləri araşdıran dostlar gizli bir tunel aşkar edib oraya daxil olurlar. Çox keçmir ki, mağaradakı zamanın səthdəkindən qat-qat yavaş axdığı məlum olur. Qrup getdikcə daha dərin qatlara endikcə, qarşılaşdıqları hadisələr daha da qəribə və izaholunmaz hal alır.

ABŞ istehsalı olan «Time Trap» adlı bu fantastik macəra filmi 2017-ci ildə ekranlara çıxıb. Layihənin rejissor kürsüsündə Mark Dennis və Ben Foster əyləşib. Baş rolları Sean Cummings, Estella Perez, Steve Muccini və Eric Cepeda canlandırıb.