Mən intiqamçıyam

İndran adlı gənc qarşısına on sadə məqsəd qoyaraq onları qeyd edib. Bu arzuların arasında anasını sevindirmək və küçəni təkbaşına keçmək kimi istəklər var. Lakin onun gündəlik həyatına narkolepsiya adlı xəstəlik mane olur. Güclü emosiyalar və ya qəfil səslər onu dərhal yuxuya aparır, ancaq huşunu itirsə də, ətrafda baş verən hər şeyi eşitməyə davam edir. Yaxşı təhsili olsa da, bu problem üzündən iş tapa bilmir, amma sadiq dostları və anası həmişə onun yanındadır.

İndranın həyatı Mira ilə tanış olduqdan sonra xeyli dərəcədə yaxşılığa doğru dəyişir. Aşiq olduqdan sonra xəstəlik artıq ona o qədər də qorxulu görünmür. Bütün planlar yolunda gedərkən, yağışlı bir gecədə baş verən hadisə qəhrəmanın həyatını tamamilə alt-üst edir.

«Naan Sigappu Manithan» filmi 2014-cü ildə Hindistanda çəkilib. Triller və dram janrında olan filmin rejissoru Thiru, baş rol ifaçıları isə V. Jayaprakash, Jagan Ayan, Sunder Ramu və İniyadır.