Bir faiz

Döyüş ustası Toşiro Takuma vaxtilə kinoda böyük uğur qazanaraq döyüş səhnələrinin son dərəcə real olmasını tələb edirdi. Debüt işindən sonra onun karyerası enişə doğru getdi. İllər sonra aktyor zəif döyüş quruluşuna malik olan layihələrdə ikinci dərəcəli rollarla kifayətlənməyə məcbur qalır və öz filmini çəkmək üçün fürsət axtarır.

Prodüseri razı saldıqdan sonra o, çəkilişlər üçün su ilə əhatə olunmuş, rabitə və işıqdan uzaq tərk edilmiş sink zavoduna yollanır. Köməkçisi və kamerası ilə məkana çatan Toşiro burada başqa bir çəkiliş qrupu ilə qarşılaşır, ardınca isə silahlı adamlarla üz-üzə gələrək real toqquşmaya girir.

«One Percenter» adlı Yaponiya istehsalı olan döyüş və kriminal filmi 2023-cü ildə rejissor Yudai Yamaguchi tərəfindən lentə alınıb. Baş rolları Oji Hiroi, Taro Suruga, Kenjiro Ishimaru və Sho Aoyagi canlandırıb.