47 ronin

Şoqun sarayında baş verən qarşıdurma faciə ilə nəticələnir. Əyan Kira Kodzuke-no suke Ako vilayətinin hökmdarı Asano Takumini ağır şəkildə təhqir edir. Qəzəbini cilovlaya bilməyən Asano qılıncını sıyıraraq Kiranı yaralayır. Saray qaydalarına görə bu addım ölümlə cəzalandırılır, buna görə də Asano həbs edilir və ona intihar hökmü oxunur.

Ağalarının ölümündən sonra onun xidmətində duran samuraylar başçısız qalaraq roninə çevrilirlər. Vəzifə borcuna və şərəf kodeksinə sadiq qalan döyüşçülər geri çəkilmirlər. Onlar hökmdarlarının intiqamını almaq üçün bir araya gələrək and içirlər.

«47 ronin» tarixi dram və döyüş filmi rejissor Kon İtikava tərəfindən çəkilib. Yaponiya istehsalı olan bu ekran əsəri 1994-cü ildə təqdim edilib. Əsas rolları Ken Takakura, Kikunosuke Onoe V, Toşi Şioya və Hisaşi İqava canlandırıblar.