Peşəkar

Xüsusi xidmət agenti Joslen Bomon Afrika ölkələrindən birinin prezidentini aradan qaldırmaq tapşırığı alır. Lakin siyasi vəziyyət qəfil dəyişir və Fransa rəhbərliyi öz agentini yerli hakimiyyətə təslim edir. Nəticədə xüsusi agent katorqaya göndərilir.

Həbsdən qaçmağı bacaran qəhrəman vətəninə qayıdır. Onun tək bir niyyəti var: yarımçıq qalmış əməliyyatı sona çatdırmaq. Hədəfdə olan afrikalı lider isə məhz bu ərəfədə Fransaya rəsmi səfərə gəlir.

Fransa istehsalı olan «Peşəkar» (Le professionnel) filmi 1981-ci ildə nümayiş olunub. Ekran əsərinin rejissoru Jorj Lotnerdir, əsas rolları isə Jan-Pol Belmondo, Jan Dezayi, Siril Kler və Mari-Kristin Dekuar canlandırıblar.