Bu er shen tan

Honkonqda baş verən silsilə qətllərin araşdırılması iki fərqli polis əməkdaşına tapşırılır. Gənc və dəlisov Van davamlı olaraq qaydaları pozur və problemlər yaradır, yaşca böyük və təcrübəli Huan isə həmkarının bu hərəkətlərinə dözməkdən artıq yorulub.

Aparılan təhqiqat nəticəsində məlum olur ki, bütün qurbanlar Lü adlı gənc aktrisanın keçmiş sevgililəri olub. İpucuları tükəndikdə xəfiyyələr təhlükəli bir addım atırlar. Qatili üzə çıxarmaq üçün polislərdən biri aktrisanın yeni sevgilisi rolunu oynamağa məcbur qalır.

«Bu er shen tan» filmi 2013-cü ildə Çində istehsal edilib. Komediya və döyüş elementlərini birləşdirən bu detektiv ekran işinin rejissoru Van Szımin, baş rolların ifaçıları isə Ma İli, Kvok Fun, Denni Çan və Kevin Lyundur.