Sonuncu şam yeməyi

Han sülaləsinin banisi olan 61 yaşlı hökmdar Lyu Ban daimi qorxu və şübhələr içində gün keçirir. Həyatına qəsd ediləcəyindən ehtiyatlanan yaşlı imperatoru gecələr kabuslar rahat buraxmır. Ətrafındakı hər kəsə inamsızlıqla yanaşan monarx addımbaşı xəyanət axtarır.

Lyu Ban ən çox iki tarixi şəxsiyyətdən çəkinir. Onlardan biri Tsin sülaləsinin süqutundan sonra Çin torpaqlarında hakimiyyət uğrunda onunla mübarizə aparmış Syan Yüdür. Digəri isə əvvəlcə rəqibə xidmət etmiş, sonradan imperatorun sərkərdəsinə çevrilmiş Han Sindir.

2012-ci ildə nümayiş olunan «Sonuncu şam yeməyi» tarixi dram və döyüş filmidir. Çin istehsalı olan ekran əsərinin rejissoru Lu Çuandır. Əsas rolları Çan Çen, Ho Sıyan, Ne Yuan və Tsin Lan canlandırıblar.