Çaynataun xəfiyyəsi 2

Polis akademiyasının birinci kurs tələbəsi Tsin Fen əmisi oğlu Tan Jenin toyunda iştirak etmək üçün Amerikaya yollanır. Lakin gəlinin artıq başqası ilə ailə qurduğu məlum olur. Qohumunun onu əslində beş milyon dollar mükafat fondu olan xəfiyyələr yarışına cəlb etmək məqsədilə çağırdığı üzə çıxır.

Müsabiqənin məqsədi yerli Çaynataunun nüfuzlu iş adamının nəvəsini kimin qətlə yetirdiyini tapmaqdır. Dünyanın dörd bir tərəfindən gəlmiş ən bacarıqlı xəfiyyələr bu cinayəti araşdırmaq üçün bir araya gəlir. İştirakçıların bu mürəkkəb işi həll etmək üçün cəmi yeddi gün vaxtı var.

«Tang ren jie tan an 2» adlı döyüş və komediya filmi 2018-ci ildə Çində istehsal olunub. Rejissoru Çen Sıçen olan ekran əsərində Con Mondin, Sonia Darmei Lopes, Bill Fişer və Van Sün kimi aktyorlar rol alıb.