Pukar

Polis mayoru Cay girov götürülmüş naziri xilas etdikdən sonra ölkədə böyük şöhrət qazanır. Şəxsi həyatında isə o, "Hindistan gözəli" Pucaya aşiqdir. Lakin Cayın uşaqlıq dostu Ancali də ona bəslədiyi güclü hisslərdən əl çəkmək istəmir və zabitin sevgisini geri qaytarmaq üçün hər addıma hazırdır.

Ancalinin bu zəifliyindən istifadə edən terrorçular onu Cayın xidməti otağının gizli kodunu oğurlamağa təhrik edirlər. Nəticədə qruplaşmanın rəhbəri həbsdən qaçır, bütün şübhələr isə mayorun üzərinə yönəlir. Cay məhkəmə qarşısında qalır, Puca ondan üz çevirir, səhvini anlayan Ancali isə həqiqəti polis rəisinə etiraf etməyə çalışır.

2000-ci ildə Hindistanda istehsal olunmuş «Pukar» filminin rejissoru Rac Kumar Santoşidir. Ekran əsərində rolları Kulbhuşan Xarbanda, Yaşpal Şarma, Əli Xan və Ancan Şrivastava canlandırıblar.