Əfsanəvi amazonkalar

XI əsrin əvvəllərində Çində, Sun sülaləsinin imperatoru Jen-tsunqun hakimiyyəti illərində ölkə ağır vəziyyətə düşür. Hökmdar dövlət idarəçiliyinə laqeyd yanaşaraq vaxtını şəxsi əyləncələrə sərf edir, bu arada isə rüşvətxorluq genişlənir və sərhədlərdə qanlı toqquşmalar davam edir. Düşmən qüvvələri Qərbi Sya ərazisinə soxulduqda, nəsillikcə sərkərdə olan Yan Zunqbao döyüşə atılır. Lakin Pan adlı tərbiyəçinin xəyanət edərək kömək göndərməməsi nəticəsində qəhrəman döyüş meydanında həlak olur.

Ərinin ölümündən sonra Mu Qüyin düşmənə boyun əyməmək qərarına gəlir. O, həlak olmuş döyüşçülərin digər dullarını bir araya toplayaraq ərlərinin mirasını və şərəfini qorumaq üçün hərəkat başladır. Qadınlar birləşərək həyat yoldaşlarının başladığı mübarizəni sona çatdırmaq məqsədilə cəbhəyə üz tutur.

2011-ci ildə Çində çəkilmiş «Əfsanəvi amazonkalar» döyüş filminin rejissoru Frenki Çandır. Ekran əsərində əsas obrazları Lam Vay, Cen Peypey, Yukari Oşima və Keti Çou canlandırıblar.