Tanrının zirehi 3: Zodiak missiyası

Qırğı ləqəbli xəzinə ovçusu Cey Si tanınmış antikvar tacirindən mühüm tapşırıq alır. O, vaxtilə Pekindəki Yay sarayının fəvvarəsini bəzəyən və XIX əsrdə İkinci tiryək müharibəsi zamanı qarət edilərək itən on iki bürünc zodiak heykəlciyindən altısını tapmalıdır.

Qəhrəman ilk növbədə köməkçiləri ilə birlikdə bu əşyaların saxlandığı Fransadakı qorunan qəsrə yollanır. Burada o, mədəni irsin geri qaytarılması uğrunda mübarizə aparan tələbə Koko və müflisləşmiş aristokrat Ketrinlə tanış olur. Heyətini genişləndirən Cey Si digər fiqurların axtarışı üçün tropik adaya üz tutur və orada gəmi qalıqları arasında dəniz quldurları ilə toqquşur.

Çin və Honkonq istehsalı olan «Tanrının zirehi 3: Zodiak missiyası» döyüş və komediya filmi 2012-ci ildə nümayiş olunub. Ekran əsərinin rejissoru Ceki Çandır, rollarda isə Fəhim Fəzli, Jan-Mari Fonbonn, Alan Nq və Tszyan Ven çəkiliblər.