Kölgə

Üç çarlıq dövründə Pei dövlətinin sərkərdəsi Tszı Yüy hökmdarın icazəsi olmadan rəqib general Yanı açıq təkbətək döyüşə çağırır. Səbəb isə düşmən tərəfindən zəbt edilmiş mühüm şəhərdir. Bu özbaşınalıq kralın qəzəbinə səbəb olur və komandan bütün imtiyazlarından məhrum edilir, lakin o, fikrindən daşınmaq niyyətində deyil.

Sarayda baş verənlərdən əslində heç kəsin xəbəri yoxdur: ölümcül xəstə olan Tszı Yüy gizli yerdə qapanaraq hiyləgər planlar qurur. Artıq bütöv bir ildir ki, onun yerinə uşaqlıqdan xüsusi təlim keçmiş oxşarı — Kölgə çıxış edir. Bu təhlükəli sirri yalnız komandanın həyat yoldaşı bilir.

2018-ci ildə nümayiş olunan «Kölgə» (Ying) filmi döyüş və dram janrlarını birləşdirir. Çin və Honq Konq istehsalı olan ekran işinin rejissoru Çjan İmoudur. Əsas rolları Den Çao, Sun Li, Van Tsyan-yüan və Çjen Kay canlandırıblar.